Ceriwis - umar en bininye

Umar lagi asik-asiknye nonton bola depan tipi, tau-tau bininye nyelonong trusan nyenyong:

Bini: "Bang, lampu teras putus, tolong gantiin ame yang baru dong!"

Umar: "Masang lampu ?!!!, lu kire gue PLN apah...!!! "saut Umar enteng.

Bini: "Ya udeh kalo kaga mau, benerin aje keran kamar mandi, itu tuh aernya ampe luber-luber"

Umar: "Benerin keran ?!!!, lu kire gue PAM kali...!!!"

Bini: "Ya udeh, kalo lu pegi beli rokok ke warung aje gue nitip minyak"

Umar: "Lu kagak bisa liat orang lagi enak nonton kali ye, lu kire gue PERTAMINEEE...!!!" Umar sewot.

Lantaran berasa digangguin terus, Umar ngeloyor ke rumah tetangge, balik-balik jem 2.

Tapinye Umar kaget lantaran terasnye udah terang. Terus Umar ke kamar mandi, aer udah kaga luber-luber; ke dapur jerigen minyak juga udah full tenk.

Paginye Umar nanya ame bininye:

Umar: "Lu minta tulung ame siape...?"

Bini: "Gini bang, abis abang minggat, gue nangis di teras.Terus ade cowok ganteng lewat nanyain gue.
"Gue cerite ape adenye, juga soal abang nyang sewot. Terus die nawarin buat ngebantuin, tapi ada syaratnye."

Umar: "Ape syaratnye... ?" Umar pingin tau.

Bini: "Syaratnye bisa pilih, gue bikinin die roti ataw tidur ame die"

Umar: "Terus, elu bikinin die roti kan.....?" Umar ngedesek.

Bini: "Bikinin roti ?!!! .. Lu pikir gue HOLLAND BAKERY apee...?!!!"